ଗୀତସଂହିତା 119 : 1 (IRVOR)
{ପରମେଶ୍ୱରଙ୍କ ବ୍ୟବସ୍ଥା} [PS] ଯେଉଁମାନେ ଆଚରଣରେ ସିଦ୍ଧ, [QBR] ଯେଉଁମାନେ ସଦାପ୍ରଭୁଙ୍କ ବ୍ୟବସ୍ଥାନୁସାରେ ଚାଲନ୍ତି, ସେମାନେ ଧନ୍ୟ। [QBR]
ଗୀତସଂହିତା 119 : 2 (IRVOR)
ଯେଉଁମାନେ ତାହାଙ୍କ ପ୍ରମାଣ-ବାକ୍ୟସବୁ ପାଳନ କରନ୍ତି, [QBR] ଯେଉଁମାନେ ସର୍ବାନ୍ତଃକରଣରେ ତାହାଙ୍କୁ ଖୋଜନ୍ତି, ସେମାନେ ଧନ୍ୟ। [QBR]
ଗୀତସଂହିତା 119 : 3 (IRVOR)
ସେମାନେ କୌଣସି ଅଧର୍ମ କରନ୍ତି ନାହିଁ; [QBR] ସେମାନେ ତାହାଙ୍କ ପଥରେ ଗମନ କରନ୍ତି। [QBR]
ଗୀତସଂହିତା 119 : 4 (IRVOR)
ଆମ୍ଭେମାନେ ଯତ୍ନପୂର୍ବକ ଯେପରି ତୁମ୍ଭର ବିଧାନସବୁ ପାଳନ କରିବା, [QBR] ଏଥିପାଇଁ ତୁମ୍ଭେ ତାହାସବୁ ଆଜ୍ଞା କରିଅଛ। [QBR]
ଗୀତସଂହିତା 119 : 5 (IRVOR)
ଆହା, ତୁମ୍ଭର ବିଧିସକଳ ପାଳନ କରିବା ପାଇଁ ଯଦି [QBR] ମୋହର ଗତି ସୁସ୍ଥିର ହୁଅନ୍ତା ! [QBR]
ଗୀତସଂହିତା 119 : 6 (IRVOR)
ତୁମ୍ଭର ସକଳ ଆଜ୍ଞା ପ୍ରତି ଦୃଷ୍ଟି ରଖିବା ବେଳେ [QBR] ମୁଁ ଲଜ୍ଜିତ ହେବି ନାହିଁ। [QBR]
ଗୀତସଂହିତା 119 : 7 (IRVOR)
ତୁମ୍ଭର ଧର୍ମମୟ ଶାସନସକଳ ଶିଖିବା ବେଳେ [QBR] ମୁଁ ଅନ୍ତଃକରଣର ସରଳତାରେ ତୁମ୍ଭଙ୍କୁ ଧନ୍ୟବାଦ ଦେବି। [QBR]
ଗୀତସଂହିତା 119 : 8 (IRVOR)
ମୁଁ ତୁମ୍ଭର ବିଧିସବୁ ପାଳନ କରିବି; [QBR] ମୋତେ ନିତାନ୍ତ ପରିତ୍ୟାଗ କର ନାହିଁ। ବୈତ୍। [QBR]
ଗୀତସଂହିତା 119 : 9 (IRVOR)
{ପରମେଶ୍ୱରଙ୍କ ବ୍ୟବସ୍ଥା ପାଳନ} [PS] ଯୁବା ମନୁଷ୍ୟ କିପ୍ରକାରେ ଆପଣା ପଥ ପରିଷ୍କାର [* ପଥ ପରିଷ୍କାର ଅର୍ଥାତ୍ ଆଚରଣ ଶୁଦ୍ଧ] କରିବ ? [QBR] ତୁମ୍ଭ ବାକ୍ୟାନୁଯାୟୀ ତହିଁ ବିଷୟରେ ସାବଧାନ ହେଲେ କରିବ। [QBR]
ଗୀତସଂହିତା 119 : 10 (IRVOR)
ମୁଁ ସର୍ବାନ୍ତଃକରଣରେ ତୁମ୍ଭଙ୍କୁ ଖୋଜିଅଛି; [QBR] ମୋତେ ତୁମ୍ଭ ଆଜ୍ଞା-ପଥରୁ ଭ୍ରମିବାକୁ ଦିଅ ନାହିଁ। [QBR]
ଗୀତସଂହିତା 119 : 11 (IRVOR)
ମୁଁ ଯେପରି ତୁମ୍ଭ ବିରୁଦ୍ଧରେ ପାପ ନ କରେ, [QBR] ଏଥିପାଇଁ ମୁଁ ଆପଣା ହୃଦୟ ମଧ୍ୟରେ ତୁମ୍ଭର ବାକ୍ୟ ସଞ୍ଚୟ କରି ରଖିଅଛି। [QBR]
ଗୀତସଂହିତା 119 : 12 (IRVOR)
ହେ ସଦାପ୍ରଭୁ, ତୁମ୍ଭେ ଧନ୍ୟ; [QBR] ତୁମ୍ଭର ବିଧିସବୁ ମୋତେ ଶିଖାଅ। [QBR]
ଗୀତସଂହିତା 119 : 13 (IRVOR)
ମୁଁ ତୁମ୍ଭ ମୁଖନିର୍ଗତ ଶାସନସକଳ [QBR] ଆପଣା ଓଷ୍ଠାଧରରେ ବର୍ଣ୍ଣନା କରିଅଛି। [QBR]
ଗୀତସଂହିତା 119 : 14 (IRVOR)
ଯେପରି ସମୁଦାୟ ଧନରେ, [QBR] ସେପରି ମୁଁ ତୁମ୍ଭ ପ୍ରମାଣ-ବାକ୍ୟରୂପ ପଥରେ ଆମୋଦ କରିଅଛି। [QBR]
ଗୀତସଂହିତା 119 : 15 (IRVOR)
ମୁଁ ତୁମ୍ଭର ବିଧାନସବୁ ଧ୍ୟାନ କରିବି [QBR] ଓ ତୁମ୍ଭ ପଥ ପ୍ରତି ଦୃଷ୍ଟି ରଖିବି। [QBR]
ଗୀତସଂହିତା 119 : 16 (IRVOR)
ମୁଁ ତୁମ୍ଭ ବିଧିସବୁରେ ଆନନ୍ଦ କରିବି; [QBR] ମୁଁ ତୁମ୍ଭର ବାକ୍ୟ ପାସୋରିବି ନାହିଁ। ଗିମେଲ୍। [QBR]
ଗୀତସଂହିତା 119 : 17 (IRVOR)
{ପରମେଶ୍ୱରଙ୍କ ବ୍ୟବସ୍ଥା ସୁଖକର} [PS] ମୁଁ ଯେପରି ବଞ୍ଚିବି, ଏଥିପାଇଁ ତୁମ୍ଭେ ଆପଣା ଦାସର ମଙ୍ଗଳ କର; [QBR] ତହୁଁ ମୁଁ ତୁମ୍ଭ ବାକ୍ୟ ପାଳନ କରିବି। [QBR]
ଗୀତସଂହିତା 119 : 18 (IRVOR)
ତୁମ୍ଭେ ମୋହର ଚକ୍ଷୁ ପ୍ରସନ୍ନ କର, [QBR] ତହିଁରେ ମୁଁ ତୁମ୍ଭ ବ୍ୟବସ୍ଥାରୁ ଆଶ୍ଚର୍ଯ୍ୟ ବିଷୟମାନ ଦେଖି ପାରିବି। [QBR]
ଗୀତସଂହିତା 119 : 19 (IRVOR)
ମୁଁ ପୃଥିବୀରେ ପ୍ରବାସୀ; [QBR] ତୁମ୍ଭର ଆଜ୍ଞାସବୁ ମୋ’ଠାରୁ ଲୁଚାଅ ନାହିଁ। [QBR]
ଗୀତସଂହିତା 119 : 20 (IRVOR)
ସର୍ବଦା ତୁମ୍ଭ ଶାସନସକଳ ଆକାଂକ୍ଷା କରିବା ସକାଶୁ [QBR] ମୋ’ ପ୍ରାଣ କ୍ଷୀଣ ହୁଏ। [QBR]
ଗୀତସଂହିତା 119 : 21 (IRVOR)
ଯେଉଁ ଅଭିଶପ୍ତ ଅହଙ୍କାରୀମାନେ ତୁମ୍ଭ ଆଜ୍ଞା-ପଥରୁ ଭ୍ରମନ୍ତି, [QBR] ତୁମ୍ଭେ ସେମାନଙ୍କୁ ଧମକାଇଅଛ। [QBR]
ଗୀତସଂହିତା 119 : 22 (IRVOR)
ମୋ’ଠାରୁ ନିନ୍ଦା ଓ ଅପମାନ ଦୂର କର; [QBR] କାରଣ ମୁଁ ତୁମ୍ଭର ପ୍ରମାଣ-ବାକ୍ୟସବୁ ପାଳନ କରିଅଛି। [QBR]
ଗୀତସଂହିତା 119 : 23 (IRVOR)
ଅଧିପତିମାନେ ମଧ୍ୟ ବସି ମୋ’ ବିରୁଦ୍ଧରେ କଥା କହିଲେ; [QBR] ମାତ୍ର ତୁମ୍ଭର ଦାସ ତୁମ୍ଭ ବିଧିସକଳ ଧ୍ୟାନ କଲା। [QBR]
ଗୀତସଂହିତା 119 : 24 (IRVOR)
ତୁମ୍ଭର ସକଳ ପ୍ରମାଣ-ବାକ୍ୟ ମଧ୍ୟ [QBR] ମୋହର ଆନନ୍ଦଜନକ ଓ ମନ୍ତ୍ରଣାଦାୟକ। ଦାଲତ୍। [QBR]
ଗୀତସଂହିତା 119 : 25 (IRVOR)
{ପରମେଶ୍ୱରଙ୍କ ବ୍ୟବସ୍ଥା ମାନିବାକୁ ଦୃଢ ସଂକଳ୍ପ} [PS] ମୋହର ପ୍ରାଣ ଧୂଳିରେ ଲାଗୁଅଛି; [QBR] ତୁମ୍ଭେ ନିଜ ବାକ୍ୟାନୁସାରେ ମୋତେ ସଚେତ କର। [QBR]
ଗୀତସଂହିତା 119 : 26 (IRVOR)
ମୁଁ ଆପଣାର ସକଳ ଗତି ବର୍ଣ୍ଣନା କରନ୍ତେ, ତୁମ୍ଭେ ମୋତେ ଉତ୍ତର ଦେଲ; [QBR] ତୁମ୍ଭର ବିଧିସବୁ ମୋତେ ଶିଖାଅ। [QBR]
ଗୀତସଂହିତା 119 : 27 (IRVOR)
ତୁମ୍ଭେ ଆପଣା ଆଜ୍ଞା-ପଥସବୁ ମୋତେ ବୁଝାଇ ଦିଅ; [QBR] ତହିଁରେ ମୁଁ ତୁମ୍ଭର ଆଶ୍ଚର୍ଯ୍ୟଶିକ୍ଷାସବୁ [† ଆଶ୍ଚର୍ଯ୍ୟ ଶିକ୍ଷାସବୁ ଆଶ୍ଚର୍ଯ୍ୟକର୍ମସବୁ ] ଧ୍ୟାନ କରିବି। [QBR]
ଗୀତସଂହିତା 119 : 28 (IRVOR)
ଶୋକ ସକାଶୁ ମୋ’ ପ୍ରାଣ ତରଳି ଯାଏ; [QBR] ତୁମ୍ଭେ ଆପଣା ବାକ୍ୟାନୁସାରେ ମୋତେ ସବଳ କର। [QBR]
ଗୀତସଂହିତା 119 : 29 (IRVOR)
ମୋ’ଠାରୁ ମିଥ୍ୟାମାର୍ଗ ଅନ୍ତର କର [QBR] ଓ ଅନୁଗ୍ରହ କରି ମୋତେ ତୁମ୍ଭର ବ୍ୟବସ୍ଥା ପ୍ରଦାନ କର। [QBR]
ଗୀତସଂହିତା 119 : 30 (IRVOR)
ମୁଁ ବିଶ୍ୱସ୍ତତାରୂପ ପଥ ମନୋନୀତ କରିଅଛି; [QBR] ମୁଁ ଆପଣା ସମ୍ମୁଖରେ ତୁମ୍ଭର ଶାସନସବୁ ରଖିଅଛି। [QBR]
ଗୀତସଂହିତା 119 : 31 (IRVOR)
ମୁଁ ତୁମ୍ଭ ପ୍ରମାଣ-ବାକ୍ୟସବୁରେ ଆସକ୍ତ; [QBR] ହେ ସଦାପ୍ରଭୁ, ମୋତେ ଲଜ୍ଜିତ କର ନାହିଁ। [QBR]
ଗୀତସଂହିତା 119 : 32 (IRVOR)
ତୁମ୍ଭେ ମୋହର ହୃଦୟ ପ୍ରଶସ୍ତ କରିବା ବେଳେ [QBR] ମୁଁ ତୁମ୍ଭ ଆଜ୍ଞା-ପଥରେ ଧାବମାନ ହେବି। ହେ। [QBR]
ଗୀତସଂହିତା 119 : 33 (IRVOR)
{ବୋଧଶକ୍ତି ପାଇଁ ପ୍ରାର୍ଥନା} [PS] ହେ ସଦାପ୍ରଭୁ, ତୁମ୍ଭର ବିଧିରୂପ ପଥ ମୋତେ ଶିଖାଅ; [QBR] ତହିଁରେ ମୁଁ ଶେଷ ପର୍ଯ୍ୟନ୍ତ ତାହା ପାଳନ କରିବି। [QBR]
ଗୀତସଂହିତା 119 : 34 (IRVOR)
ମୋତେ ବୁଦ୍ଧି ପ୍ରଦାନ କର, ତହିଁରେ ମୁଁ ତୁମ୍ଭର ବ୍ୟବସ୍ଥା ମାନିବି; [QBR] ଆହୁରି, ମୁଁ ଆପଣା ସର୍ବାନ୍ତଃକରଣରେ ତାହା ପାଳନ କରିବି। [QBR]
ଗୀତସଂହିତା 119 : 35 (IRVOR)
ତୁମ୍ଭ ଆଜ୍ଞା-ପଥରେ ମୋତେ ଗମନ କରାଅ; [QBR] କାରଣ ତହିଁରେ ମୁଁ ଆନନ୍ଦ କରେ। [QBR]
ଗୀତସଂହିତା 119 : 36 (IRVOR)
ଲୋଭ ପ୍ରତି ନୁହେଁ, ମାତ୍ର ତୁମ୍ଭ ପ୍ରମାଣ-ବାକ୍ୟ [QBR] ପ୍ରତି ମୋ’ ଚିତ୍ତର ସ୍ନେହ ଜନ୍ମାଅ। [QBR]
ଗୀତସଂହିତା 119 : 37 (IRVOR)
ଅସାର ଦର୍ଶନରୁ ମୋହର ଚକ୍ଷୁ ଫେରାଅ [QBR] ଓ ତୁମ୍ଭ ପଥରେ ମୋତେ ସଚେତ କର। [QBR]
ଗୀତସଂହିତା 119 : 38 (IRVOR)
ତୁମ୍ଭ ଦାସ ପକ୍ଷରେ ତୁମ୍ଭର ବାକ୍ୟ ସ୍ଥିର କର, [QBR] ତାହା ତୁମ୍ଭ ବିଷୟକ ଭୟ-ସଂଯୁକ୍ତ। [QBR]
ଗୀତସଂହିତା 119 : 39 (IRVOR)
ମୋହର ଭୟଜନକ ନିନ୍ଦା ଦୂର କର; [QBR] କାରଣ ତୁମ୍ଭର ଶାସନସକଳ ଉତ୍ତମ। [QBR]
ଗୀତସଂହିତା 119 : 40 (IRVOR)
ଦେଖ, ମୁଁ ତୁମ୍ଭ ବିଧାନସକଳର ଆକାଂକ୍ଷା କରିଅଛି; [QBR] ତୁମ୍ଭ ଧର୍ମରେ ମୋତେ ସଚେତ କର। ବୌ। [QBR]
ଗୀତସଂହିତା 119 : 41 (IRVOR)
{ପରମେଶ୍ୱରଙ୍କ ବ୍ୟବସ୍ଥା ଉପରେ ନିର୍ଭର} [PS] ହେ ସଦାପ୍ରଭୁ, ତୁମ୍ଭ ଦୟା, ଅର୍ଥାତ୍, ତୁମ୍ଭ [QBR] ବାକ୍ୟାନୁସାରେ ତୁମ୍ଭ ପରିତ୍ରାଣ ମୋ’ ପ୍ରତି ବର୍ତ୍ତୁ। [QBR]
ଗୀତସଂହିତା 119 : 42 (IRVOR)
ତହିଁରେ ମୁଁ ଆପଣା ନିନ୍ଦକକୁ ଉତ୍ତର ଦେବି; [QBR] କାରଣ ମୁଁ ତୁମ୍ଭ ବାକ୍ୟରେ ନିର୍ଭର ରଖେ। [QBR]
ଗୀତସଂହିତା 119 : 43 (IRVOR)
ପୁଣି, ମୋ’ ମୁଖରୁ ସତ୍ୟତାର ବାକ୍ୟ କଦାପି ନିଅ ନାହିଁ; [QBR] କାରଣ ମୁଁ ତୁମ୍ଭ ଶାସନରେ ଭରସା ରଖିଅଛି। [QBR]
ଗୀତସଂହିତା 119 : 44 (IRVOR)
ତହିଁରେ ମୁଁ ଅନନ୍ତକାଳ ପର୍ଯ୍ୟନ୍ତ ନିରନ୍ତର [QBR] ତୁମ୍ଭର ବ୍ୟବସ୍ଥା ପାଳନ କରିବି। [QBR]
ଗୀତସଂହିତା 119 : 45 (IRVOR)
ଆଉ, ମୁଁ ସ୍ୱଚ୍ଛନ୍ଦରେ ଗମନାଗମନ କରିବି; [QBR] କାରଣ ମୁଁ ତୁମ୍ଭର ବିଧାନସବୁ ଖୋଜିଅଛି। [QBR]
ଗୀତସଂହିତା 119 : 46 (IRVOR)
ଆହୁରି, ମୁଁ ରାଜାମାନଙ୍କ ସାକ୍ଷାତରେ ତୁମ୍ଭର ପ୍ରମାଣ-ବାକ୍ୟ ବିଷୟ କହିବି ଓ [QBR] ଲଜ୍ଜିତ ନୋହିବି। [QBR]
ଗୀତସଂହିତା 119 : 47 (IRVOR)
ପୁଣି, ମୁଁ ତୁମ୍ଭର ଯେଉଁ ଆଜ୍ଞାସମୂହ ସ୍ନେହ କରିଅଛି, [QBR] ତହିଁରେ ଆପଣାକୁ ଆନନ୍ଦିତ କରିବି। [QBR]
ଗୀତସଂହିତା 119 : 48 (IRVOR)
ଆହୁରି, ମୁଁ ତୁମ୍ଭର ଯେଉଁ ଆଜ୍ଞାସମୂହ ସ୍ନେହ କରିଅଛି, [QBR] ତହିଁ ନିକଟରେ କୃତାଞ୍ଜଳି ହେବି; [QBR] ପୁଣି, ମୁଁ ତୁମ୍ଭର ବିଧିସବୁ ଧ୍ୟାନ କରିବି। ସୟିନ୍। [QBR]
ଗୀତସଂହିତା 119 : 49 (IRVOR)
{ପରମେଶ୍ୱରଙ୍କ ବ୍ୟବସ୍ଥାରେ ବିଶ୍ୱାସ} [PS] ତୁମ୍ଭେ ମୋତେ ଭରସାଯୁକ୍ତ କରିଅଛ, ଏଣୁ ତୁମ୍ଭେ [QBR] ଆପଣା ଦାସ ପକ୍ଷରେ ବାକ୍ୟ ସ୍ମରଣ କର। [QBR]
ଗୀତସଂହିତା 119 : 50 (IRVOR)
ଦୁଃଖ ସମୟରେ ଏହା ହିଁ ମୋହର ସାନ୍ତ୍ୱନା; [QBR] କାରଣ ତୁମ୍ଭର ବାକ୍ୟ ମୋତେ ସଚେତ କରିଅଛି। [QBR]
ଗୀତସଂହିତା 119 : 51 (IRVOR)
ଅହଙ୍କାରୀମାନେ ମୋତେ ଅତିଶୟ ପରିହାସ କରିଅଛନ୍ତି, [QBR] ତଥାପି ମୁଁ ତୁମ୍ଭ ବ୍ୟବସ୍ଥାରୁ ବିମୁଖ ହୋଇ ନାହିଁ। [QBR]
ଗୀତସଂହିତା 119 : 52 (IRVOR)
ହେ ସଦାପ୍ରଭୁ, ମୁଁ ପୂର୍ବକାଳୀନ ତୁମ୍ଭ ଶାସନସବୁ ସ୍ମରଣ କରି [QBR] ଆପଣାକୁ ସାନ୍ତ୍ୱନାଯୁକ୍ତ କରିଅଛି। [QBR]
ଗୀତସଂହିତା 119 : 53 (IRVOR)
ଦୁଷ୍ଟମାନେ ତୁମ୍ଭ ବ୍ୟବସ୍ଥା ପରିତ୍ୟାଗ କରିବାରୁ [QBR] ପ୍ରଚଣ୍ଡ କ୍ରୋଧ ମୋତେ ଆକ୍ରମଣ କରିଅଛି। [QBR]
ଗୀତସଂହିତା 119 : 54 (IRVOR)
ମୋ’ ପ୍ରବାସ-ଗୃହରେ [QBR] ତୁମ୍ଭର ବିଧିସବୁ ମୋହର ଗାୟନ ହୋଇଅଛି। [QBR]
ଗୀତସଂହିତା 119 : 55 (IRVOR)
ହେ ସଦାପ୍ରଭୁ, ମୁଁ ରାତ୍ରିକାଳରେ ତୁମ୍ଭର ନାମ ସ୍ମରଣ କରିଅଛି [QBR] ଓ ତୁମ୍ଭର ବ୍ୟବସ୍ଥା ପାଳନ କରିଅଛି। [QBR]
ଗୀତସଂହିତା 119 : 56 (IRVOR)
ତୁମ୍ଭର ବିଧାନସବୁ ପାଳନ କରିବା ସକାଶୁ [QBR] ମୁଁ ଏହି ଫଳ ପ୍ରାପ୍ତ ହୋଇଅଛି। ହେତ୍। [QBR]
ଗୀତସଂହିତା 119 : 57 (IRVOR)
{ପରମେଶ୍ୱରଙ୍କ ବ୍ୟବସ୍ଥାରେ ନିଷ୍ଠାପରତା} [PS] ସଦାପ୍ରଭୁ ମୋହର ଅଂଶ; [QBR] ମୁଁ ତୁମ୍ଭର ବାକ୍ୟସବୁ ପାଳନ କରିବି ବୋଲି କହିଅଛି। [QBR]
ଗୀତସଂହିତା 119 : 58 (IRVOR)
ମୁଁ ସର୍ବାନ୍ତଃକରଣରେ ତୁମ୍ଭର ଅନୁଗ୍ରହ ପ୍ରାର୍ଥନା କଲି; [QBR] ଆପଣା ବାକ୍ୟାନୁସାରେ ମୋ’ ପ୍ରତି ଦୟାଳୁ ହୁଅ। [QBR]
ଗୀତସଂହିତା 119 : 59 (IRVOR)
ମୁଁ ଆପଣା ଗତିସବୁ ବିବେଚନା କଲି [QBR] ଓ ତୁମ୍ଭ ପ୍ରମାଣ-ବାକ୍ୟ ଆଡ଼େ ଆପଣା ପାଦ ଫେରାଇଲି। [QBR]
ଗୀତସଂହିତା 119 : 60 (IRVOR)
ତୁମ୍ଭର ଆଜ୍ଞାସବୁ ପାଳିବାକୁ [QBR] ସତ୍ୱର ହେଲି ଓ ବିଳମ୍ବ କଲି ନାହିଁ। [QBR]
ଗୀତସଂହିତା 119 : 61 (IRVOR)
ଦୁଷ୍ଟମାନଙ୍କର ରଜ୍ଜୁ ମୋ’ ଚାରିଆଡ଼େ ଜଡ଼ିତ ହେଲା; [QBR] ମାତ୍ର ମୁଁ ତୁମ୍ଭର ବ୍ୟବସ୍ଥା ପାସୋରି ନାହିଁ। [QBR]
ଗୀତସଂହିତା 119 : 62 (IRVOR)
ତୁମ୍ଭର ଧର୍ମମୟ ଶାସନ ସକାଶୁ ତୁମ୍ଭଙ୍କୁ ଧନ୍ୟବାଦ [QBR] ଦେବା ପାଇଁ ମୁଁ ଅର୍ଦ୍ଧରାତ୍ରରେ ଉଠିବି। [QBR]
ଗୀତସଂହିତା 119 : 63 (IRVOR)
ଯେଉଁମାନେ ତୁମ୍ଭଙ୍କୁ ଭୟ କରନ୍ତି ଓ ତୁମ୍ଭ ବିଧାନସବୁ [QBR] ପାଳନ୍ତି, ମୁଁ ସେହି ସମସ୍ତଙ୍କର ସଙ୍ଗୀ। [QBR]
ଗୀତସଂହିତା 119 : 64 (IRVOR)
ହେ ସଦାପ୍ରଭୁ, ପୃଥିବୀ ତୁମ୍ଭ ଦୟାରେ ପରିପୂର୍ଣ୍ଣ; [QBR] ତୁମ୍ଭ ବିଧିସବୁ ମୋତେ ଶିଖାଅ। ଟେଟ୍। [QBR]
ଗୀତସଂହିତା 119 : 65 (IRVOR)
{ପରମେଶ୍ୱରଙ୍କ ବ୍ୟବସ୍ଥାର ମୂଲ୍ୟ} [PS] ହେ ସଦାପ୍ରଭୁ, ତୁମ୍ଭେ ଆପଣା ବାକ୍ୟାନୁସାରେ [QBR] ନିଜ ଦାସ ପ୍ରତି ମଙ୍ଗଳ ବ୍ୟବହାର କରିଅଛ। [QBR]
ଗୀତସଂହିତା 119 : 66 (IRVOR)
ମୋତେ ଉତ୍ତମ ବିଚାର ଓ ଜ୍ଞାନ ଶିଖାଅ। [QBR] କାରଣ ମୁଁ ତୁମ୍ଭ ଆଜ୍ଞାସମୂହରେ ବିଶ୍ୱାସ କରିଅଛି। [QBR]
ଗୀତସଂହିତା 119 : 67 (IRVOR)
ଦୁଃଖଗ୍ରସ୍ତ ହେବା ପୂର୍ବରେ ମୁଁ ବିପଥରେ ଗଲି; [QBR] ମାତ୍ର ଏବେ ମୁଁ ତୁମ୍ଭ ବାକ୍ୟ ପାଳନ କରେ। [QBR]
ଗୀତସଂହିତା 119 : 68 (IRVOR)
ତୁମ୍ଭେ ମଙ୍ଗଳମୟ ଓ ମଙ୍ଗଳକାରୀ; [QBR] ମୋତେ ତୁମ୍ଭ ବିଧିସବୁ ଶିଖାଅ। [QBR]
ଗୀତସଂହିତା 119 : 69 (IRVOR)
ଅହଙ୍କାରୀମାନେ ମୋ’ ବିରୁଦ୍ଧରେ ମିଥ୍ୟାକଥା କଳ୍ପନା କରିଅଛନ୍ତି; [QBR] ମୁଁ ସର୍ବାନ୍ତଃକରଣରେ ତୁମ୍ଭର ବିଧାନସବୁ ପାଳନ କରିବି। [QBR]
ଗୀତସଂହିତା 119 : 70 (IRVOR)
ସେମାନଙ୍କ ଅନ୍ତଃକରଣ ମେଦ ପରି ସ୍ଥୂଳ [‡ ମେଦ ପରି ସ୍ଥୂଳ ଅର୍ଥାତ୍ ସେମାନଙ୍କ ଅନ୍ତଃକରଣରେ କୌଣସି ସତ୍ୟତା ନାହିଁ ] [QBR] ମାତ୍ର ମୁଁ ତୁମ୍ଭ ବ୍ୟବସ୍ଥାରେ ଆମୋଦ କରେ। [QBR]
ଗୀତସଂହିତା 119 : 71 (IRVOR)
ମୁଁ ଯେପରି ତୁମ୍ଭର ବିଧିସବୁ ଶିଖିବି, [QBR] ଏଥିପାଇଁ ମୁଁ ଯେ ଦୁଃଖଗ୍ରସ୍ତ ହେଲି, ଏହା ମୋ’ ପକ୍ଷରେ ଭଲ ହେଲା। [QBR]
ଗୀତସଂହିତା 119 : 72 (IRVOR)
ହଜାର ହଜାର ସୁନା ଓ ରୂପା ଅପେକ୍ଷା [QBR] ତୁମ୍ଭ ମୁଖର ବ୍ୟବସ୍ଥା ମୋ’ ପ୍ରତି ଉତ୍ତମ। ଇୟୂଦ୍। [QBR]
ଗୀତସଂହିତା 119 : 73 (IRVOR)
{ପରମେଶ୍ୱରଙ୍କ ନ୍ୟାୟୋଚିତ ବ୍ୟବସ୍ଥା} [PS] ତୁମ୍ଭ ହସ୍ତ ମୋତେ ନିର୍ମାଣ ଓ ମୂର୍ତ୍ତିମାନ କରିଅଛି; [QBR] ମୁଁ ଯେପରି ତୁମ୍ଭର ଆଜ୍ଞାସବୁ ପାଳନ କରିବି, ଏଥିପାଇଁ ମୋତେ ସୁବିବେଚନା ପ୍ରଦାନ କର। [QBR]
ଗୀତସଂହିତା 119 : 74 (IRVOR)
ଯେଉଁମାନେ ତୁମ୍ଭଙ୍କୁ ଭୟ କରନ୍ତି, ସେମାନେ ମୋତେ ଦେଖି ଆନନ୍ଦିତ ହେବେ; [QBR] କାରଣ ମୁଁ ତୁମ୍ଭ ବାକ୍ୟରେ ଭରସା ରଖିଅଛି। [QBR]
ଗୀତସଂହିତା 119 : 75 (IRVOR)
ହେ ସଦାପ୍ରଭୁ, ମୁଁ ଜାଣେ, ତୁମ୍ଭ ଶାସନସକଳ ଧର୍ମମୟ, [QBR] ପୁଣି, ତୁମ୍ଭେ ବିଶ୍ୱସ୍ତ ଭାବରେ ମୋତେ ଦୁଃଖ ଦେଇଅଛ। [QBR]
ଗୀତସଂହିତା 119 : 76 (IRVOR)
ମୁଁ ପ୍ରାର୍ଥନା କରୁଅଛି, ତୁମ୍ଭ ଦାସ ପ୍ରତି ତୁମ୍ଭ [QBR] ବାକ୍ୟାନୁସାରେ ତୁମ୍ଭ ସ୍ନେହପୂର୍ଣ୍ଣ କରୁଣା ମୋହର ସାନ୍ତ୍ୱନାଜନକ ହେଉ। [QBR]
ଗୀତସଂହିତା 119 : 77 (IRVOR)
ମୁଁ ଯେପରି ବଞ୍ଚିବି, ଏଥିପାଇଁ ମୋ’ ପ୍ରତି ତୁମ୍ଭର କରୁଣା ବର୍ତ୍ତୁ; [QBR] କାରଣ ତୁମ୍ଭର ବ୍ୟବସ୍ଥା ମୋହର ଆନନ୍ଦଜନକ। [QBR]
ଗୀତସଂହିତା 119 : 78 (IRVOR)
ଅହଙ୍କାରୀମାନେ ଲଜ୍ଜିତ ହେଉନ୍ତୁ; [QBR] କାରଣ ସେମାନେ ଅନ୍ୟାୟରେ ମୋହର ସର୍ବନାଶ କରିଅଛନ୍ତି; [QBR] ମାତ୍ର ମୁଁ ତୁମ୍ଭର ବିଧାନସବୁ ଧ୍ୟାନ କରିବି। [QBR]
ଗୀତସଂହିତା 119 : 79 (IRVOR)
ଯେଉଁମାନେ ତୁମ୍ଭଙ୍କୁ ଭୟ କରନ୍ତି, ସେମାନେ ମୋ’ କତିକି ଫେରନ୍ତୁ, [QBR] ତହିଁରେ ସେମାନେ ତୁମ୍ଭର ପ୍ରମାଣ-ବାକ୍ୟ ଜ୍ଞାତସାର ହେବେ। [QBR]
ଗୀତସଂହିତା 119 : 80 (IRVOR)
ମୁଁ ଯେପରି ଲଜ୍ଜିତ ନୋହିବି, [QBR] ଏଥିପାଇଁ ତୁମ୍ଭ ବିଧିସବୁରେ ମୋ’ ଅନ୍ତଃକରଣ ସିଦ୍ଧ ହେଉ। କଫ୍। [QBR]
ଗୀତସଂହିତା 119 : 81 (IRVOR)
{ନିସ୍ତାର ପାଇଁ ପ୍ରାର୍ଥନା} [PS] ତୁମ୍ଭ ପରିତ୍ରାଣ ପାଇଁ ମୋ’ ପ୍ରାଣ କ୍ଷୀଣ ହୁଏ; [QBR] ମାତ୍ର ମୁଁ ତୁମ୍ଭ ବାକ୍ୟରେ ଭରସା ରଖେ। [QBR]
ଗୀତସଂହିତା 119 : 82 (IRVOR)
ତୁମ୍ଭେ କେବେ ମୋତେ ସାନ୍ତ୍ୱନା କରିବ ? [QBR] ଏହା କହି କହି ତୁମ୍ଭ ବାକ୍ୟ ପାଇଁ ମୋହର ଚକ୍ଷୁ କ୍ଷୀଣ ହୁଏ। [QBR]
ଗୀତସଂହିତା 119 : 83 (IRVOR)
କାରଣ ମୁଁ ଧୂମସ୍ଥିତ କୁମ୍ପା ତୁଲ୍ୟ ହୋଇଅଛି। [QBR] ତଥାପି ମୁଁ ତୁମ୍ଭର ବିଧିସବୁ ପାସୋରୁ ନାହିଁ। [QBR]
ଗୀତସଂହିତା 119 : 84 (IRVOR)
ତୁମ୍ଭ ଦାସ କେତେ ଦିନ ପର୍ଯ୍ୟନ୍ତ ପର୍ଯ୍ୟନ୍ତ ଅପେକ୍ଷା କରିବ ? [QBR] ତୁମ୍ଭେ କେବେ ମୋ’ ତାଡ଼ନାକାରୀମାନଙ୍କର ବିଚାର କରିବ ? [QBR]
ଗୀତସଂହିତା 119 : 85 (IRVOR)
ଅହଙ୍କାରୀମାନେ ମୋ’ ପାଇଁ ଗର୍ତ୍ତ ଖୋଳିଅଛନ୍ତି, [QBR] ସେମାନେ ତୁମ୍ଭ ବ୍ୟବସ୍ଥାର ଅନୁଗାମୀ ନୁହଁନ୍ତି। [QBR]
ଗୀତସଂହିତା 119 : 86 (IRVOR)
ତୁମ୍ଭର ଆଜ୍ଞାସବୁ ବିଶ୍ୱସନୀୟ; [QBR] ସେମାନେ ଅନ୍ୟାୟରେ ମୋତେ ତାଡ଼ନା କରନ୍ତି; ତୁମ୍ଭେ ମୋହର ସାହାଯ୍ୟ କର। [QBR]
ଗୀତସଂହିତା 119 : 87 (IRVOR)
ସେମାନେ ପୃଥିବୀରେ ମୋତେ ପ୍ରାୟ ବିନାଶ କରିଥିଲେ; [§ ଅର୍ଥାତ୍ ପ୍ରାୟ ବଧ] [QBR] ମାତ୍ର ମୁଁ ତୁମ୍ଭର ବିଧାନସବୁ ତ୍ୟାଗ କଲି ନାହିଁ। [QBR]
ଗୀତସଂହିତା 119 : 88 (IRVOR)
ତୁମ୍ଭର ସ୍ନେହପୂର୍ଣ୍ଣ କରୁଣାନୁସାରେ ମୋ’ ଜୀବନକୁ ରକ୍ଷା [* ରକ୍ଷା ସଚେତ] କର; [QBR] ତହୁଁ ମୁଁ ତୁମ୍ଭ ମୁଖର ପ୍ରମାଣ-ବାକ୍ୟ ପାଳନ କରିବି। ଲାମଦ୍। [QBR]
ଗୀତସଂହିତା 119 : 89 (IRVOR)
{ପରମେଶ୍ୱରଙ୍କ ବ୍ୟବସ୍ଥାରେ ବିଶ୍ୱାସ} [PS] ହେ ସଦାପ୍ରଭୁ, ତୁମ୍ଭ ବାକ୍ୟ ଅନନ୍ତକାଳ [QBR] ନିମନ୍ତେ ସ୍ୱର୍ଗରେ ସଂସ୍ଥାପିତ ଅଛି। [QBR]
ଗୀତସଂହିତା 119 : 90 (IRVOR)
ତୁମ୍ଭର ବିଶ୍ୱସ୍ତତା ପୁରୁଷାନୁକ୍ରମରେ ସ୍ଥାୟୀ; [QBR] ତୁମ୍ଭେ ପୃଥିବୀକୁ ସଂସ୍ଥାପନ କରିଅଛ ଓ ତାହା ସୁସ୍ଥିର ଥାଏ। [QBR]
ଗୀତସଂହିତା 119 : 91 (IRVOR)
ତୁମ୍ଭ ଶାସନାନୁସାରେ ଅଦ୍ୟାପି ସକଳ ସୁସ୍ଥିର; [QBR] କାରଣ ସମସ୍ତେ ତୁମ୍ଭର ଦାସ। [QBR]
ଗୀତସଂହିତା 119 : 92 (IRVOR)
ତୁମ୍ଭର ବ୍ୟବସ୍ଥା ମୋହର ଆହ୍ଲାଦଜନକ ହୋଇ ନ ଥିଲେ, [QBR] ମୁଁ ଆପଣା ଦୁଃଖରେ ବିନଷ୍ଟ ହୋଇଥା’ନ୍ତି। [QBR]
ଗୀତସଂହିତା 119 : 93 (IRVOR)
ତୁମ୍ଭର ବିଧାନସବୁ ମୁଁ କେବେ ପାସୋରିବି ନାହିଁ; [QBR] କାରଣ ତଦ୍ଦ୍ୱାରା ତୁମ୍ଭେ ମୋତେ ସଚେତ କରିଅଛ। [QBR]
ଗୀତସଂହିତା 119 : 94 (IRVOR)
ମୋତେ ତ୍ରାଣ କର, ମୁଁ ତୁମ୍ଭର; [QBR] କାରଣ ମୁଁ ତୁମ୍ଭର ବିଧାନସବୁ ଅନ୍ୱେଷଣ କରିଅଛି। [QBR]
ଗୀତସଂହିତା 119 : 95 (IRVOR)
ଦୁଷ୍ଟମାନେ ମୋତେ ବିନାଶ କରିବା ପାଇଁ ଚାହିଁ ରହିଅଛନ୍ତି; [QBR] ମାତ୍ର ମୁଁ ତୁମ୍ଭର ପ୍ରମାଣ-ବାକ୍ୟ ବିବେଚନା କରିବି। [QBR]
ଗୀତସଂହିତା 119 : 96 (IRVOR)
ମୁଁ ସବୁ ସିଦ୍ଧିର ଅନ୍ତ ଦେଖିଅଛି; [QBR] ମାତ୍ର ତୁମ୍ଭର ଆଜ୍ଞା ସୀମାହୀନ। [† ସୀମାହୀନ। ଅତିଶୟ ପ୍ରଶସ୍ତ] ମେମ୍। [QBR]
ଗୀତସଂହିତା 119 : 97 (IRVOR)
{ପରମେଶ୍ୱରଙ୍କ ବ୍ୟବସ୍ଥା ପ୍ରତି ଅନୁରାଗ} [PS] ମୁଁ ତୁମ୍ଭର ବ୍ୟବସ୍ଥାକୁ କିପରି ପ୍ରିୟ ମଣେ। [QBR] ତାହା ସାରାଦିନ ମୋହର ଧ୍ୟାନ। [QBR]
ଗୀତସଂହିତା 119 : 98 (IRVOR)
ତୁମ୍ଭ ଆଜ୍ଞାସବୁ ମୋତେ ମୋ’ ଶତ୍ରୁଗଣଠାରୁ ଅଧିକ ଜ୍ଞାନବାନ କରେ; [QBR] କାରଣ ତାହାସବୁ ନିରନ୍ତର ମୋ’ ସଙ୍ଗେ ଥାଏ। [QBR]
ଗୀତସଂହିତା 119 : 99 (IRVOR)
ମୋହର ସମସ୍ତ ଗୁରୁ ଅପେକ୍ଷା ମୋ’ ବୁଦ୍ଧି ଅଧିକ; [QBR] କାରଣ ତୁମ୍ଭର ପ୍ରମାଣ-ବାକ୍ୟସବୁ ମୋହର ଧ୍ୟାନ। [QBR]
ଗୀତସଂହିତା 119 : 100 (IRVOR)
ମୁଁ ପ୍ରାଚୀନମାନଙ୍କ ଅପେକ୍ଷା ଅଧିକ ବୁଝେ। [QBR] ଯେଣୁ ମୁଁ ତୁମ୍ଭର ବିଧାନସବୁ ପାଳନ କରିଅଛି। [QBR]
ଗୀତସଂହିତା 119 : 101 (IRVOR)
ମୁଁ ଯେପରି ତୁମ୍ଭର ବାକ୍ୟ ପାଳନ କରିବି, [QBR] ଏଥିପାଇଁ ପ୍ରତ୍ୟେକ କୁପଥରୁ ମୁଁ ଆପଣା ପାଦ ଅଟକାଇଅଛି। [QBR]
ଗୀତସଂହିତା 119 : 102 (IRVOR)
ମୁଁ ତୁମ୍ଭ ଶାସନରୁ ବିମୁଖ ହୋଇ ନାହିଁ; [QBR] କାରଣ ତୁମ୍ଭେ ମୋତେ ଶିକ୍ଷା ଦେଇଅଛ। [QBR]
ଗୀତସଂହିତା 119 : 103 (IRVOR)
ମୋ’ ତୁଣ୍ଡକୁ ତୁମ୍ଭ ବାକ୍ୟ କିପରି ମଧୁର ! [QBR] ହଁ, ମୋ’ ମୁଖକୁ ତାହା ମଧୁ ଅପେକ୍ଷା ମଧୁର ! [QBR]
ଗୀତସଂହିତା 119 : 104 (IRVOR)
ତୁମ୍ଭ ବିଧାନ ଦ୍ୱାରା ମୁଁ ବୁଦ୍ଧି ପ୍ରାପ୍ତ ହୁଏ; [QBR] ଏଥିପାଇଁ ମୁଁ ପ୍ରତ୍ୟେକ ମିଥ୍ୟାପଥ ଘୃଣା କରେ। ନୂନ୍। [QBR]
ଗୀତସଂହିତା 119 : 105 (IRVOR)
{ପରମେଶ୍ୱରଙ୍କ ବ୍ୟବସ୍ଥାର ଆଲୋକ} [PS] ତୁମ୍ଭ ବାକ୍ୟ ମୋ’ ଚରଣ ପାଇଁ ପ୍ରଦୀପ ଓ [QBR] ମୋ’ ପଥ ପାଇଁ ଆଲୁଅ ଅଟେ। [QBR]
ଗୀତସଂହିତା 119 : 106 (IRVOR)
ମୁଁ ତୁମ୍ଭର ଧର୍ମମୟ ଶାସନସବୁ ପାଳିବା ପାଇଁ [QBR] ଶପଥ କରିଅଛି ଓ ତାହା ସ୍ଥିର କରିଅଛି। [QBR]
ଗୀତସଂହିତା 119 : 107 (IRVOR)
ମୁଁ ଅତ୍ୟନ୍ତ ଦୁଃଖିତ ଅଛି; [QBR] ହେ ସଦାପ୍ରଭୁ, ତୁମ୍ଭ ବାକ୍ୟାନୁସାରେ ମୋତେ ସଚେତ କର। [QBR]
ଗୀତସଂହିତା 119 : 108 (IRVOR)
ହେ ସଦାପ୍ରଭୁ, ନିବେଦନ କରୁଅଛି, ମୋ’ ମୁଖର ସ୍ୱେଚ୍ଛାଦତ୍ତ ଉପହାର ଗ୍ରହଣ କର [QBR] ଓ ତୁମ୍ଭର ଶାସନସବୁ ମୋତେ ଶିଖାଅ। [QBR]
ଗୀତସଂହିତା 119 : 109 (IRVOR)
ମୋ’ ପ୍ରାଣ ନିରନ୍ତର ବିପଦରେ [‡ ହସ୍ତରେ ଅର୍ଥାତ୍ ହସ୍ତରେ] ଥାଏ; [QBR] ତେବେ ହେଁ ମୁଁ ତୁମ୍ଭ ବ୍ୟବସ୍ଥା ପାସୋରୁ ନାହିଁ। [QBR]
ଗୀତସଂହିତା 119 : 110 (IRVOR)
ଦୁଷ୍ଟମାନେ ମୋ’ ପାଇଁ ଫାନ୍ଦ ପାତିଅଛନ୍ତି; [QBR] ତଥାପି ମୁଁ ତୁମ୍ଭ ବିଧାନରୁ ବିପଥଗାମୀ ହେଲି ନାହିଁ। [QBR]
ଗୀତସଂହିତା 119 : 111 (IRVOR)
ମୁଁ ତୁମ୍ଭ ପ୍ରମାଣ-ବାକ୍ୟସକଳକୁ ସଦାକାଳ [QBR] ଅଧିକାର ରୂପେ ଗ୍ରହଣ କରିଅଛି; [QBR] କାରଣ ତାହାସବୁ ମୋ’ ଚିତ୍ତର ଆହ୍ଲାଦଜନକ। [QBR]
ଗୀତସଂହିତା 119 : 112 (IRVOR)
ମୁଁ ଶେଷ ପର୍ଯ୍ୟନ୍ତ ସର୍ବଦା ତୁମ୍ଭର ବିଧିସବୁ ପାଳନ [QBR] କରିବା ପାଇଁ ଆପଣା ମନକୁ ପ୍ରବର୍ତ୍ତାଇଅଛି। ସାମକ୍। [QBR]
ଗୀତସଂହିତା 119 : 113 (IRVOR)
{ପରମେଶ୍ୱରଙ୍କ ବ୍ୟବସ୍ଥାରେ ସୁରକ୍ଷା} [PS] ମୁଁ ଦ୍ୱିମନାମାନଙ୍କୁ ଘୃଣା କରେ; [QBR] ମାତ୍ର ତୁମ୍ଭ ବ୍ୟବସ୍ଥାକୁ ପ୍ରିୟ ଜ୍ଞାନ କରେ। [QBR]
ଗୀତସଂହିତା 119 : 114 (IRVOR)
ତୁମ୍ଭେ ମୋ’ ଲୁଚିବାର ସ୍ଥାନ ଓ ମୋହର ଢାଲ; [QBR] ମୁଁ ତୁମ୍ଭ ବାକ୍ୟରେ ଭରସା କରେ। [QBR]
ଗୀତସଂହିତା 119 : 115 (IRVOR)
ହେ କୁକର୍ମକାରୀମାନେ, ମୁଁ ଯେପରି ଆପଣା [QBR] ପରମେଶ୍ୱରଙ୍କ ଆଜ୍ଞାସବୁ ପାଳି ପାରିବି, ଏଥିପାଇଁ ମୋ’ ନିକଟରୁ ଦୂର ହୁଅ। [QBR]
ଗୀତସଂହିତା 119 : 116 (IRVOR)
ମୁଁ ଯେପରି ବଞ୍ଚିବି, ଏଥିପାଇଁ ତୁମ୍ଭ ବାକ୍ୟାନୁସାରେ ମୋତେ ଧରି ରଖ [QBR] ଓ ମୋ’ ଭରସା ବିଷୟରେ ମୋତେ ଲଜ୍ଜିତ ହେବାକୁ ଦିଅ ନାହିଁ। [QBR]
ଗୀତସଂହିତା 119 : 117 (IRVOR)
ତୁମ୍ଭେ ମୋତେ ଧରି ରଖ, ତହିଁରେ ମୁଁ ଆପଦରହିତ ହେବି [QBR] ଓ ତୁମ୍ଭ ବିଧିସବୁ ସର୍ବଦା ମାନ୍ୟ କରିବି। [QBR]
ଗୀତସଂହିତା 119 : 118 (IRVOR)
ତୁମ୍ଭ ବିଧିରୁ ଭ୍ରାନ୍ତ ସମସ୍ତଙ୍କୁ ତୁମ୍ଭେ ତୁଚ୍ଛ ଜ୍ଞାନ କରିଅଛ; [QBR] କାରଣ ସେମାନଙ୍କ ପ୍ରବଞ୍ଚନା ମିଥ୍ୟା। [QBR]
ଗୀତସଂହିତା 119 : 119 (IRVOR)
ତୁମ୍ଭେ ପୃଥିବୀସ୍ଥ ଦୁଷ୍ଟସମସ୍ତଙ୍କୁ ଧାତୁର ଖାଦ ପରି ଦୂର କରିଥାଅ; [QBR] ଏଣୁ ମୁଁ ତୁମ୍ଭ ପ୍ରମାଣ-ବାକ୍ୟକୁ ସ୍ନେହ କରେ। [QBR]
ଗୀତସଂହିତା 119 : 120 (IRVOR)
ତୁମ୍ଭ ଭୟ ସକାଶୁ ମୋ’ ଶରୀର କମ୍ପିତ ହୁଏ [QBR] ଓ ତୁମ୍ଭ ଶାସନ ବିଷୟରେ ମୁଁ ଭୀତ ହୁଏ। ଅଇନ୍। [QBR]
ଗୀତସଂହିତା 119 : 121 (IRVOR)
{ପରମେଶ୍ୱରଙ୍କ ବ୍ୟବସ୍ଥା ପାଳନ} [PS] ମୁଁ ନ୍ୟାୟ ଓ ଧର୍ମାଚରଣ କରିଅଛି; [QBR] ମୋ’ ଉପଦ୍ରବୀମାନଙ୍କ ହସ୍ତରେ ମୋତେ ସମର୍ପଣ କର ନାହିଁ। [QBR]
ଗୀତସଂହିତା 119 : 122 (IRVOR)
ମଙ୍ଗଳ ନିମନ୍ତେ ଆପଣା ଦାସର ଲଗା ହୁଅ; [QBR] ଅହଙ୍କାରୀମାନଙ୍କୁ ମୋ’ ପ୍ରତି ଉପଦ୍ରବ କରିବାକୁ ଦିଅ ନାହିଁ। [QBR]
ଗୀତସଂହିତା 119 : 123 (IRVOR)
ତୁମ୍ଭର ପରିତ୍ରାଣ ଓ ତୁମ୍ଭର ଧର୍ମମୟ ବାକ୍ୟ ନିମନ୍ତେ [QBR] ମୋହର ଚକ୍ଷୁ କ୍ଷୀଣ ହେଉଅଛି। [QBR]
ଗୀତସଂହିତା 119 : 124 (IRVOR)
ତୁମ୍ଭ ଦୟାନୁସାରେ ଆପଣା ଦାସ ପ୍ରତି ବ୍ୟବହାର କର [QBR] ଓ ତୁମ୍ଭର ବିଧି ମୋତେ ଶିଖାଅ। [QBR]
ଗୀତସଂହିତା 119 : 125 (IRVOR)
ମୁଁ ତୁମ୍ଭର ଦାସ, ଯେପରି ମୁଁ ତୁମ୍ଭର [QBR] ପ୍ରମାଣ-ବାକ୍ୟସକଳ ଜ୍ଞାତ ହେବି, ଏଥିପାଇଁ ମୋତେ ବୁଦ୍ଧି ଦିଅ। [QBR]
ଗୀତସଂହିତା 119 : 126 (IRVOR)
ସଦାପ୍ରଭୁଙ୍କର କାର୍ଯ୍ୟ କରିବାର ସମୟ ଏହି; [QBR] କାରଣ ଲୋକମାନେ ତୁମ୍ଭ ବ୍ୟବସ୍ଥା ବ୍ୟର୍ଥ କରିଅଛନ୍ତି। [QBR]
ଗୀତସଂହିତା 119 : 127 (IRVOR)
ଏହେତୁ ମୁଁ ସୁବର୍ଣ୍ଣ ଓ ଶୁଦ୍ଧ ସୁବର୍ଣ୍ଣ ଅପେକ୍ଷା [QBR] ତୁମ୍ଭ ଆଜ୍ଞାସମୂହକୁ ସ୍ନେହ କରେ। [QBR]
ଗୀତସଂହିତା 119 : 128 (IRVOR)
ଏଣୁ ମୁଁ ସବୁ ବିଷୟରେ ତୁମ୍ଭର ସକଳ ବିଧାନ ଯଥାର୍ଥ ଜ୍ଞାନ କରେ [QBR] ଓ ପ୍ରତ୍ୟେକ ମିଥ୍ୟାପଥ ଘୃଣା କରେ। ପେ। [QBR]
ଗୀତସଂହିତା 119 : 129 (IRVOR)
{ପରମେଶ୍ୱରଙ୍କ ବ୍ୟବସ୍ଥା ମାନିବାକୁ ସ୍ପୃହା} [PS] ତୁମ୍ଭ ପ୍ରମାଣ-ବାକ୍ୟସକଳ ଆଶ୍ଚର୍ଯ୍ୟ; [QBR] ଏଥିପାଇଁ ମୋ’ ପ୍ରାଣ ତାହାସବୁ ପାଳନ କରେ। [QBR]
ଗୀତସଂହିତା 119 : 130 (IRVOR)
ତୁମ୍ଭ ବାକ୍ୟର ବିକାଶ ଆଲୁଅ ପ୍ରଦାନ କରେ; [QBR] ତାହା ନିର୍ବୋଧକୁ ବୋଧ ଦିଏ। [QBR]
ଗୀତସଂହିତା 119 : 131 (IRVOR)
ମୁଁ ତୁମ୍ଭ ଆଜ୍ଞାର ଆକାଂକ୍ଷାରେ [QBR] ଆପଣା ମୁଖ ଫର୍ଚା କରି ଫିଟାଇ ପକାଇଲି। [QBR]
ଗୀତସଂହିତା 119 : 132 (IRVOR)
ତୁମ୍ଭେ ଆପଣା ନାମର ପ୍ରେମକାରୀମାନଙ୍କ ପ୍ରତି [QBR] ଯେପରି କରିଥାଅ, ସେପରି ମୋ’ ପ୍ରତି ଫେର ଓ ମୋତେ ଦୟା କର। [QBR]
ଗୀତସଂହିତା 119 : 133 (IRVOR)
ତୁମ୍ଭ ବାକ୍ୟାନୁସାରେ ମୋ’ ପାଦଗତି ସଜାଡ଼ [QBR] ଓ ମୋ’ ଉପରେ କୌଣସି ଅଧର୍ମକୁ ରାଜତ୍ୱ କରିବାକୁ ଦିଅ ନାହିଁ। [QBR]
ଗୀତସଂହିତା 119 : 134 (IRVOR)
ମନୁଷ୍ୟର ଉପଦ୍ରବରୁ ମୋତେ ମୁକ୍ତ କର; [QBR] ତହିଁରେ ମୁଁ ତୁମ୍ଭର ବିଧାନସବୁ ପାଳନ କରିବି। [QBR]
ଗୀତସଂହିତା 119 : 135 (IRVOR)
ତୁମ୍ଭ ଦାସ ପ୍ରତି ଆପଣା ମୁଖ ପ୍ରସନ୍ନ କର [QBR] ଓ ତୁମ୍ଭର ବିଧିସବୁ ମୋତେ ଶିଖାଅ। [QBR]
ଗୀତସଂହିତା 119 : 136 (IRVOR)
ଲୋକମାନେ ତୁମ୍ଭର ବ୍ୟବସ୍ଥା ପାଳନ ନ କରିବାରୁ [QBR] ମୋ’ ଚକ୍ଷୁରୁ ଜଳଧାରା ବହୁଅଛି। ସାଦେ। [QBR]
ଗୀତସଂହିତା 119 : 137 (IRVOR)
{ପରମେଶ୍ୱରଙ୍କ ନ୍ୟାୟୋଚିତ ବ୍ୟବସ୍ଥା} [PS] ହେ ସଦାପ୍ରଭୁ, ତୁମ୍ଭେ ଧର୍ମମୟ ଓ [QBR] ତୁମ୍ଭର ଶାସନସକଳ ସରଳ। [QBR]
ଗୀତସଂହିତା 119 : 138 (IRVOR)
ତୁମ୍ଭେ ଧର୍ମରେ ଓ ଅତି ବିଶ୍ୱସ୍ତତାରେ [QBR] ଆପଣା ପ୍ରମାଣ-ବାକ୍ୟସବୁ ଆଜ୍ଞା କରିଅଛ। [QBR]
ଗୀତସଂହିତା 119 : 139 (IRVOR)
ମୋହର ଉଦ୍ଯୋଗ ମୋତେ ଗ୍ରାସ କରିଅଛି, [QBR] କାରଣ ମୋହର ବିପକ୍ଷଗଣ ତୁମ୍ଭର ବାକ୍ୟସବୁ ପାସୋରି ଅଛନ୍ତି। [QBR]
ଗୀତସଂହିତା 119 : 140 (IRVOR)
ତୁମ୍ଭର ବାକ୍ୟ ଅତ୍ୟନ୍ତ ନିର୍ମଳ; [QBR] ତହିଁ ପାଇଁ ତୁମ୍ଭ ଦାସ ତାହା ସ୍ନେହ କରେ। [QBR]
ଗୀତସଂହିତା 119 : 141 (IRVOR)
ମୁଁ କ୍ଷୁଦ୍ର ଓ ତୁଚ୍ଛୀକୃତ; [QBR] ତଥାପି ମୁଁ ତୁମ୍ଭର ବିଧାନସବୁ ପାସୋରୁ ନାହିଁ। [QBR]
ଗୀତସଂହିତା 119 : 142 (IRVOR)
ତୁମ୍ଭର ଧର୍ମ ଅନନ୍ତକାଳସ୍ଥାୟୀ ଧର୍ମ [QBR] ଓ ତୁମ୍ଭର ବ୍ୟବସ୍ଥା ସତ୍ୟ। [QBR]
ଗୀତସଂହିତା 119 : 143 (IRVOR)
କ୍ଳେଶ ଓ ଯନ୍ତ୍ରଣା ମୋତେ ଆକ୍ରମଣ କରିଅଛି; [QBR] ତେବେ ହେଁ ତୁମ୍ଭର ଆଜ୍ଞାସମୂହ ମୋହର ଆହ୍ଲାଦଜନକ। [QBR]
ଗୀତସଂହିତା 119 : 144 (IRVOR)
ତୁମ୍ଭର ପ୍ରମାଣ-ବାକ୍ୟସକଳ ସଦାକାଳ ଧର୍ମମୟ; [QBR] ମୋତେ ବୁଦ୍ଧି ପ୍ରଦାନ କର, ତହିଁରେ ମୁଁ ବଞ୍ଚିବି। କଫ। [QBR]
ଗୀତସଂହିତା 119 : 145 (IRVOR)
{ଉଦ୍ଧାର ପାଇବା ପାଇଁ ପ୍ରାର୍ଥନା} [PS] ମୁଁ ସର୍ବାନ୍ତଃକରଣରେ ପ୍ରାର୍ଥନା କରିଅଛି; “ହେ ସଦାପ୍ରଭୁ, ମୋତେ ଉତ୍ତର ଦିଅ; [QBR] ମୁଁ ତୁମ୍ଭର ବିଧି ପାଳନ କରିବି। [QBR]
ଗୀତସଂହିତା 119 : 146 (IRVOR)
ମୁଁ ତୁମ୍ଭ ନିକଟରେ ପ୍ରାର୍ଥନା କରିଅଛି; ମୋତେ ତ୍ରାଣ କର, [QBR] ତହିଁରେ ମୁଁ ତୁମ୍ଭର ପ୍ରମାଣ-ବାକ୍ୟସବୁ ମାନିବି।” [QBR]
ଗୀତସଂହିତା 119 : 147 (IRVOR)
ମୁଁ ଅରୁଣୋଦୟ ପୂର୍ବେ ଆର୍ତ୍ତନାଦ କଲି; [QBR] ମୁଁ ତୁମ୍ଭ ବାକ୍ୟରେ ଭରସା ରଖିଲି। [QBR]
ଗୀତସଂହିତା 119 : 148 (IRVOR)
ମୁଁ ଯେପରି ତୁମ୍ଭ ବାକ୍ୟ ଧ୍ୟାନ କରିବି, [QBR] ଏଥିପାଇଁ ରାତ୍ରିର ପ୍ରତ୍ୟେକ ପ୍ରହର ପୂର୍ବେ ମୋହର ଚକ୍ଷୁ ପ୍ରସ୍ତୁତ ହେଲା। [QBR]
ଗୀତସଂହିତା 119 : 149 (IRVOR)
ତୁମ୍ଭର ସ୍ନେହପୂର୍ଣ୍ଣ କରୁଣା ଅନୁସାରେ ମୋହର ରବ ଶୁଣ; [QBR] ହେ ସଦାପ୍ରଭୁ, ଆପଣା ଶାସନାନୁସାରେ ମୋତେ ସଚେତ କର। [QBR]
ଗୀତସଂହିତା 119 : 150 (IRVOR)
ଦୁଷ୍ଟତାର ଅନୁଗାମୀ ଲୋକମାନେ ନିକଟକୁ ଆସୁଅଛନ୍ତି; [QBR] ସେମାନେ ତୁମ୍ଭ ବ୍ୟବସ୍ଥାରୁ ଦୂରବର୍ତ୍ତୀ। [QBR]
ଗୀତସଂହିତା 119 : 151 (IRVOR)
ହେ ସଦାପ୍ରଭୁ, ତୁମ୍ଭେ ନିକଟବର୍ତ୍ତୀ [QBR] ଓ ତୁମ୍ଭ ଆଜ୍ଞାସକଳ ସତ୍ୟ। [QBR]
ଗୀତସଂହିତା 119 : 152 (IRVOR)
ମୁଁ ପୂର୍ବଠାରୁ ତୁମ୍ଭ ପ୍ରମାଣ-ବାକ୍ୟରୁ ଜାଣିଅଛି ଯେ, [QBR] ତୁମ୍ଭେ ସଦାକାଳ ନିମନ୍ତେ ତାହା ସ୍ଥାପନ କରିଅଛ। ରେଶ୍। [QBR]
ଗୀତସଂହିତା 119 : 153 (IRVOR)
{ସହାୟତା ପାଇଁ ଅନୁନୟ} [PS] ମୋର କ୍ଲେଶ ବିବେଚନା କର ଓ ମୋତେ ଉଦ୍ଧାର କର; [QBR] କାରଣ ମୁଁ ତୁମ୍ଭର ବ୍ୟବସ୍ଥା ପାସୋରୁ ନାହିଁ। [QBR]
ଗୀତସଂହିତା 119 : 154 (IRVOR)
ତୁମ୍ଭେ ମୋହର ବିବାଦ ନିଷ୍ପତ୍ତି କର ଓ ମୋତେ ମୁକ୍ତ କର; [QBR] ତୁମ୍ଭ ବାକ୍ୟାନୁସାରେ ମୋତେ ସଚେତ କର। [QBR]
ଗୀତସଂହିତା 119 : 155 (IRVOR)
ପରିତ୍ରାଣ ଦୁଷ୍ଟମାନଙ୍କଠାରୁ ଦୂରରେ ଥାଏ; [QBR] କାରଣ ସେମାନେ ତୁମ୍ଭର ବିଧିସବୁ ଅନୁସନ୍ଧାନ କରନ୍ତି ନାହିଁ। [QBR]
ଗୀତସଂହିତା 119 : 156 (IRVOR)
ହେ ସଦାପ୍ରଭୁ, ତୁମ୍ଭର ସ୍ନେହପୂର୍ଣ୍ଣ କରୁଣା ବହୁବିଧ; [QBR] ତୁମ୍ଭର ଶାସନାନୁସାରେ ମୋତେ ସଚେତ କର। [QBR]
ଗୀତସଂହିତା 119 : 157 (IRVOR)
ମୋହର ତାଡ଼ନାକାରୀ ଓ ବିପକ୍ଷ ଅନେକ; [QBR] ତଥାପି ମୁଁ ତୁମ୍ଭ ପ୍ରମାଣ-ବାକ୍ୟରୁ ବିମୁଖ ହୋଇ ନାହିଁ। [QBR]
ଗୀତସଂହିତା 119 : 158 (IRVOR)
ମୁଁ ବିଶ୍ୱାସଘାତକମାନଙ୍କୁ ଦେଖି ଦୁଃଖିତ ହେଲି; [QBR] କାରଣ ସେମାନେ ତୁମ୍ଭର ବାକ୍ୟ ମାନନ୍ତି ନାହିଁ। [QBR]
ଗୀତସଂହିତା 119 : 159 (IRVOR)
ମୁଁ ତୁମ୍ଭ ବିଧାନସବୁ କିପରି ସ୍ନେହ କରେ, [QBR] ଏହା ବିବେଚନା କର; ହେ ସଦାପ୍ରଭୁ, ତୁମ୍ଭ ସ୍ନେହପୂର୍ଣ୍ଣ କରୁଣାରେ ମୋତେ ସଚେତ କର। [QBR]
ଗୀତସଂହିତା 119 : 160 (IRVOR)
ତୁମ୍ଭର ସମୁଦାୟ ବାକ୍ୟ ସତ୍ୟ ଓ [QBR] ତୁମ୍ଭର ଧର୍ମମୟ ପ୍ରତ୍ୟେକ ଶାସନ ନିତ୍ୟସ୍ଥାୟୀ। ଶିନ୍। [QBR]
ଗୀତସଂହିତା 119 : 161 (IRVOR)
{ପରମେଶ୍ୱରଙ୍କ ବ୍ୟବସ୍ଥା ପ୍ରତି ନିଷ୍ଠା} [PS] ଅଧିପତିମାନେ ଅକାରଣରେ ମୋତେ ତାଡ଼ନା କରିଅଛନ୍ତି; [QBR] ମାତ୍ର ମୋହର ମନ ତୁମ୍ଭ ବାକ୍ୟରେ ଭୀତ ଥାଏ। [QBR]
ଗୀତସଂହିତା 119 : 162 (IRVOR)
କେହି ପ୍ରଚୁର ଲୁଟଧନ ପାଇବା ପରି [QBR] ମୁଁ ତୁମ୍ଭ ବାକ୍ୟରେ ଆନନ୍ଦ କରେ। [QBR]
ଗୀତସଂହିତା 119 : 163 (IRVOR)
ମୁଁ ମିଥ୍ୟାକୁ ଘୃଣା ଓ ଅଶ୍ରଦ୍ଧା କରେ; [QBR] ମାତ୍ର ତୁମ୍ଭ ବ୍ୟବସ୍ଥାକୁ ମୁଁ ସ୍ନେହ କରେ। [QBR]
ଗୀତସଂହିତା 119 : 164 (IRVOR)
ତୁମ୍ଭର ଧର୍ମମୟ ଶାସନ ସକାଶୁ [QBR] ମୁଁ ଦିନ ମଧ୍ୟରେ ସାତ ଥର ତୁମ୍ଭର ପ୍ରଶଂସା କରେ। [QBR]
ଗୀତସଂହିତା 119 : 165 (IRVOR)
ତୁମ୍ଭ ବ୍ୟବସ୍ଥା ସ୍ନେହକାରୀମାନେ ମହାଶାନ୍ତି ପ୍ରାପ୍ତ ହୁଅନ୍ତି; [QBR] ପୁଣି, ସେମାନଙ୍କର ଝୁଣ୍ଟିବାର କୌଣସି କାରଣ ଘଟେ ନାହିଁ। [QBR]
ଗୀତସଂହିତା 119 : 166 (IRVOR)
ହେ ସଦାପ୍ରଭୁ, ମୁଁ ତୁମ୍ଭର ପରିତ୍ରାଣ ପାଇଁ ପ୍ରତ୍ୟାଶା କରିଅଛି, [QBR] ଓ ତୁମ୍ଭର ଆଜ୍ଞାସବୁ ପାଳନ କରିଅଛି। [QBR]
ଗୀତସଂହିତା 119 : 167 (IRVOR)
ମୋହର ପ୍ରାଣ ତୁମ୍ଭ ପ୍ରମାଣ-ବାକ୍ୟସବୁ ମାନିଅଛି [QBR] ଓ ମୁଁ ତାହାସବୁ ଅତିଶୟ ସ୍ନେହ କରେ। [QBR]
ଗୀତସଂହିତା 119 : 168 (IRVOR)
ମୁଁ ତୁମ୍ଭର ବିଧାନ ଓ ପ୍ରମାଣ-ବାକ୍ୟସବୁ ମାନିଅଛି। [QBR] କାରଣ ମୋହର ସବୁ ଗତି ତୁମ୍ଭ ସମ୍ମୁଖରେ ଅଛି। ତୌ। [QBR]
ଗୀତସଂହିତା 119 : 169 (IRVOR)
{ସହାୟତା ପାଇଁ ପ୍ରାର୍ଥନା} [PS] ହେ ସଦାପ୍ରଭୁ, ମୋହର କାକୂକ୍ତି ତୁମ୍ଭ ନିକଟରେ ଉପସ୍ଥିତ ହେଉ; [QBR] ତୁମ୍ଭ ବାକ୍ୟାନୁସାରେ ମୋତେ ବୁଦ୍ଧି ପ୍ରଦାନ କର। [QBR]
ଗୀତସଂହିତା 119 : 170 (IRVOR)
ମୋ’ ନିବେଦନ ତୁମ୍ଭ ସମ୍ମୁଖରେ ଉପସ୍ଥିତ ହେଉ; [QBR] ତୁମ୍ଭ ବାକ୍ୟାନୁସାରେ ମୋତେ ଉଦ୍ଧାର କର। [QBR]
ଗୀତସଂହିତା 119 : 171 (IRVOR)
ମୋହର ଓଷ୍ଠାଧର ପ୍ରଶଂସା ଉଚ୍ଚାରଣ କରୁ; [QBR] କାରଣ ତୁମ୍ଭେ ଆପଣା ବିଧି ମୋତେ ଶିଖାଉଅଛ। [QBR]
ଗୀତସଂହିତା 119 : 172 (IRVOR)
ମୋ’ ଜିହ୍ୱା ତୁମ୍ଭ ବାକ୍ୟ ବିଷୟ କୀର୍ତ୍ତନ କରୁ; [QBR] କାରଣ ତୁମ୍ଭର ଆଜ୍ଞାସକଳ ଧର୍ମମୟ। [QBR]
ଗୀତସଂହିତା 119 : 173 (IRVOR)
ମୋହର ସାହାଯ୍ୟାର୍ଥେ ତୁମ୍ଭର ହସ୍ତ ପ୍ରସ୍ତୁତ ହେଉ, [QBR] କାରଣ ମୁଁ ତୁମ୍ଭର ବିଧାନସବୁ ମନୋନୀତ କରିଅଛି। [QBR]
ଗୀତସଂହିତା 119 : 174 (IRVOR)
ହେ ସଦାପ୍ରଭୁ, ମୁଁ ତୁମ୍ଭ ପରିତ୍ରାଣର ଆକାଂକ୍ଷା କରିଅଛି; [QBR] ପୁଣି, ତୁମ୍ଭର ବ୍ୟବସ୍ଥା ମୋହର ଆହ୍ଲାଦଜନକ। [QBR]
ଗୀତସଂହିତା 119 : 175 (IRVOR)
ମୋତେ ଜୀବିତ ରଖ, ତହିଁରେ ମୁଁ ତୁମ୍ଭର ପ୍ରଶଂସା କରିବ [QBR] ଓ ତୁମ୍ଭର ଶାସନସକଳ ମୋହର ସାହାଯ୍ୟ କରୁ। [QBR]
ଗୀତସଂହିତା 119 : 176 (IRVOR)
ମୁଁ ହଜାମେଷ ପରି ବିପଥଗାମୀ ହୋଇଅଛି; [QBR] ଆପଣା ଦାସକୁ ଖୋଜ; [QBR] କାରଣ ମୁଁ ତୁମ୍ଭ ଆଜ୍ଞାସକଳ ପାସୋରୁ ନାହିଁ। [PE]
❮
❯